Komin heim

Ykkar yndislegust er komin heim.  Ég er búin að vera að reyna að setja inn myndir í nokkra daga en það er bara ekki að ganga svo það verður bara að hafa það.

Sumarið var yndislegt, erfitt oft á tíðum en ég lærði helling og þroskaðist mikið.  Kynntist yndislegu fólki og lærði að meta lífið á nýjan hátt.

Ég þurfti svolítið þennann tíma fyrir sjálfa mig og þessvegna hef ég lítið skrifað hér sem og var í frekar litlu sambandi við fólkið mitt heima.  Vitiði stundum er það bara allt í lagi að fara inn í sinn heim og vera ekki alltaf í bandi.  Þannig var það bara.

Í dag er akkurat vika síðan ég kom heim og ég er eiginlega búin að vera pirruð síðan ég steig á íslenska jörðu á ný.  Ég veit ekki hvort ég er að koma eða fara þessa dagana.  Eina sem ég veit er að ég er búin með minn tíma í bili hér á íslandi og kominn tími til að halda út í heim á nýjan leik.  Hvert það verður er svo aftur stóra spurningin.

Knús

H