appelsínugula peysan

Ég áttaði mig á því í gær þegar ég var að fara í gegnum myndirnar hér á blogginu að ég átti eftir að setja inn mynd af appelsínugulu peysunni kláraðri.  Ég er með svo mikið af myndum af henni á prjónunum að ég bara varð að koma með mynd af henni kláraðri....ég semsagt kláraði hana :)  En hún er aðeins of lítil svo ég hef ekkert notað hana sem er algjör synd þar sem svo mikil vinna liggur í henni og mér finnst hún svo falleg.  Samt gerði ég prjónfestu og alles.  En jæja, svona er þetta bara.  Kannski einhverntíman mun ég passa í hana, þangað til er hún inni í skáp og ég get dáðst að henni.

 

 

 

 

 

Tölurnar eru bara krúttlegar.  Ég fékk þær í Storkinum.  Garnið í peysunni er cotton 4 ply og liturinn alveg æði, svo fallega appelsínugulur.